Ichki ishlar vazirligi rahbariyati IIV Qorovul qoʻshinlari qoʻmondonligiga qarashli 7534-sonli harbiy qismga tashrif buyurdi
2025-07-04 18:30:00 / Yangiliklar
Tashrif harbiy qism saf maydonida Oʻzbekiston Respublikasi Davlat madhiyasini ijro etilishi bilan boshlandi. Vazir oʻrinbosari harbiy xizmatchilar bilan uchrashish vaqtida ularga yaratilgan sharoitlar bilan yaqindan tanishish maqsadida, xizmat olib borayotgan harbiy xizmatchilar bilan uchrashdi. Uchrashuvdan koʻzlangan asosiy maqsad — harbiy xizmatchilarning ahvoli, ularning fikr-mulohazalari va muammolarini oʻrganish, shuningdek, tizimdagi dolzarb vazifalarni belgilab olishdan iborat boʻldi.
Tadbir davomida Vazir oʻrinbosari harbiy qismning kundalik faoliyati, shaxsiy tarkibning jangovar tayyorgarligi va moddiy-texnikaviy taʼminoti bilan yaqindan tanishdi. Harbiy xizmatchilar bilan yuzma-yuz muloqot chogʻida ularning taklif va muammolari tinglandi, aniq yechim talab qiluvchi masalalar yuzasidan tegishli chora-tadbirlar belgilab olindi.
Shuningdek tashrif chogʻida yotoqxonalar, ovqatlanish xonalari, tibbiy muassasalar, sport maydonchalari hamda taʼlim xonalari, xizmatchilarning kundalik ehtiyojlari uchun yaratilgan imkoniyatlar, kiyim-kechak, oziq-ovqat taʼminoti, gigiyenik sharoitlari, xizmatchilarning tayyorgarligi, qoʻshinlardagi intizom va harbiy bilimlar darajasi, jamoadagi muhit, shaxsiy tarbiya, harbiy etika, zamonaviy texnologiyalardan foydalanish — harbiy tayyorgarlik jarayonlarini raqamlashtirish va innovatsion yondashuvlarni joriy etish zarurligini taʼkidlab oʻtildi.
Transport va turizm obyektlarida xavfsizlikni taʼminlash departamenti Axborot xizmati