Samarqandda Xitoy delegatsiyasi bilan xavfsizlik masalalari muhokama qilindi
2025-07-04 11:35:00 / Yangiliklar
Xitoy Xalq Respublikasi Shensi provinsiyasi Jamoat xavfsizligi departamentining birinchi oʻrinbosari Yan Shanvey boshchiligidagi delegatsiya Samarqand viloyati IIBga tashrif buyurdi.
Delegatsiyani viloyat IIB boshligʻi polkovnik Rahmat Mamatov kutib oldi va Boshqarma faoliyati hamda xodimlar uchun yaratilgan sharoitlar bilan yaqindan tanishtirdi.
Shundan soʻng ikki taraf oʻrtasida oʻzaro hamkorlik hamda tajriba almashish yuzasidan rasmiy uchrashuv oʻtkazildi.
Uchrashuvda, turizm xavfsizligini taʼminlash, terrorizm, kiberxavfsizlik, transmilliy jinoyatlarning oldini olish va bu borada hamkorlikda ishlashga kelishib olindi.
Samarqand viloyati IIB Axborot xizmati