Jizzax viloyatida otaliqqa olingan yoshlar bilan olib borilayotgan ishlar tahlil qilindi
2025-07-03 09:00:00 / Yangiliklar
Jizzax viloyati hokimining oʻrinbosari Akmal Savurboyev, viloyat prokuraturasi, viloyat IIB, DXX viloyat boshqarmasi va boshqa viloyat boshqarmalari va tashkilotlari rahbarlari Arnasoy va Doʻstlik tumanida tuman masʼullari ishtirokida yigʻilish oʻtkazishdi.
Tadbirda yoshlarni otaliqqa olgan tumanlarning huquq-tartibot va mudofaa organlari mutasaddilari tomonidan amalga oshirilayotgan ishlar muhokama qilindi.
Xususan, yoshlarning jamiyatda oʻz oʻrinlarini topishlariga koʻmaklashish, tadbirkorlik loyihalarini qoʻllab-quvvatlash, kasb-hunarga oʻrgatish va bandligini taʼminlash, maʼnaviy-maʼrifiy va sport tadbirlari tashkil etish, unayotgan avlod vakillarining ijtimoiy-iqtisodiy va huquqiy masalalari boʻyicha ishlar tahlil qilindi.
Yigʻilishda bu boradagi kamchiliklar koʻrsatilib, samaradorlikni oshirishga qaratilgan vazifalar belgilandi.
Jizzax viloyati IIB Axborot xizmati