Navoiyda ekspert-kriminalistika xodimlarining kasbiy malaka va koʻnikmalarini oshirish maqsadida oʻquv mashgʻuloti tashkil etildi
2025-07-02 18:55:00 / Yangiliklar
Ekspert-kriminalistika xodimlarining kasbiy malaka va koʻnikmalarini oshirish maqsadida nazariy va amaliy oʻquv mashgʻulotlari tashkil etildi. Unda bevosita ishtirok etgan IIV Akademiyasining tajribali oʻqituvchilari hamda Toshkent shahar IIBB EKM mutaxassis ekspertlari hodisa joyini koʻzdan kechirish tartibi, ashyoviy dalillarni olish, qadoqlash hamda tezkor-qidiruv tadbirlari va tergov harakatlari davomida kriminalistik-texnik vositalarni qoʻllash boʻyicha mahorat darslari oʻtkazdi.
Shuningdek, sud fotografiyasining umumiy qoidalari, tergov harakatlari va tezkor-qidiruv tadbirlari isbotlov bazasining shakllantirishdagi ahamiyati, portlash va yoʻl-transport hodisalari bilan bogʻliq voqea joylarini koʻzdan kechirish tartibi, tintuv va tergov eksperimentini oʻtkazish boʻyicha nazariy maʼlumotlar berildi.
Mashgʻulotlar davomida yosh ekspertlar tomonidan berilgan sohaga oid savollarga javoblar berildi.
Navoiy viloyati IIB Axborot xizmati