Koreya Respublikasi Milliy politsiya agentligi delegatsiyasi Samarqand viloyati Ichki ishlar boshqarmasiga tashrif buyurdi
2025-06-29 01:15:00 / Yangiliklar
Koreya Respublikasi Milliy politsiya agentligi Xalqaro hamkorlik byurosi direktori, general-mayor Li Chjun Xyon (Lee Junh Hyeong) boshchiligidagi delegatsiya rasmiy tashrif bilan Samarqand viloyati Ichki ishlar boshqarmasiga keldi.
Uchrashuv doirasida jinoyatchilikka qarshi kurash, xususan kiberjinoyatlarning oldini olish, ushbu yoʻnalishdagi oʻzaro hamkorlikni mustahkamlash masalalari muhokama etildi. Shuningdek, xalqaro qidiruvda boʻlgan shaxslarni aniqlash va ularni topish borasidagi ikki tomonlama hamkorlik yuzasidan muzokaralar olib borildi.
Tashrif davomida mehmonlarga Samarqand shahrida xavfsiz turizmni taʼminlash maqsadida amalga oshirilayotgan chora-tadbirlar, jumladan, zamonaviy texnologiyalar joriy etilishi, turistlar xavfsizligini taʼminlashga qaratilgan tizimlar haqida batafsil maʼlumotlar taqdim etildi.
Samarqand viloyati IIB Axborot xizmati