Qashqadaryo viloyati ichki ishlar boshqarmasi rahbariyati tomonidan Gʻuzor tumani Yangikent mahallasida sayyor qabul oʻtkazildi
2025-06-28 11:25:00 / Yangiliklar
Viloyat ichki ishlar boshqarmasi boshligʻi oʻrinbosari podpolkovnik Talʼat Mamatkulov tuman markazida ancha olisda joylashgan mahallalarda yashovchi yoshlar va fuqarolar ishtirok etgan sayyor qabulda yigirmaga yaqin murojaatlar qabul qilindi.
Fuqarolar bilan muloqot qilish, fuqarolarning qonuniy huquq va manfaatlarini himoya qilish, murojaatchilarning ichki ishlar organlari bilan bogʻliq shikoyatlariga yechim topish maqsadida tashkil etilgan sayyor qabulda murojaatlarning asosini qishloqlar infratuzilmasini yaxshilash, aholini maishiy yumushlarini hal etish, huquqiy sohadagi muammolariga yechim topish kabi masalalar koʻrib chiqildi.
Qabulda tizimning tergov, profilaktika xizmati tomonidan olib borilayotgan surishtiruv harakatlari hamda ichki ishlar organlariga ishga kirish masalalari yuzasidan murojaatlar eshitilib, hal etish choralari koʻrildi. Kelib tushgan murojaatlarning ayrimlariga huquqiy tushuntirishlar berildi. Oʻrganish uchun vaqt talab etiladigan murojaatlar alohida nazoratga olinib, masʼullarga hal etish topshirigʻi berildi. Bu boradagi ishlar davom ettirilmoqda.
Qashqadaryo viloyati IIB Axborot xizmati