Surxondaryo viloyati Qumqoʻrgʻon tumanida yettiliklar va faollar ishtirokida jinoyatchilik boʻyicha tanqidiy yigʻilish oʻtkazildi
2025-06-28 11:00:00 / Yangiliklar
Qumqoʻrgʻon tumanida Surxondaryo viloyati IIB boshligʻi rahbariligida Prezidentimizning joriy yil 3-yanvar kunidagi PQ-1-sonli Qarorlari ijrosi, tumandagi kriminogen vaziyat tanqidiy muhokama qilindi.
Bugun Qumqoʻrgʻon tuman hokimligi binosida Prezidentimizning joriy yil 3-yanvar kunidagi PQ-1-sonli Qarorlari ijrosi doirasida olib borilayotgan chora-tadbirlar, tumandagi kriminogen vaziyat muhokamasiga bagʻishlangan tanqidiy ruhdagi yigʻilish boʻlib oʻtdi.
Viloyat IIB boshligʻi polkovnik Timur Ismailov huzurida oʻtkazilgan muhokama yigʻilishida, tuman va mahalla yettiliklari, nuroniylar, mahalla faollari va boshqa mutasaddi tashkilotlar, keng jamoatchilik vakillari ishtirok etishdi.
Yigʻilish davomida, viloyat masʼullari tomonidan jinoyat va huquqbuzarliklarni barvaqt oldini olish boʻyicha olib borilgan ishlari va boshqa kamchiliklar tanqidiy muhokama qilinib kelgusida amalga oshirilishi lozim boʻlgan chora-tadbirlar belgilab olindi.
Surxondaryo viloyati IIB Axborot xizmati