Buxoro viloyatida IIV Akademiyasi kursantlari bilan olib boriladigan oʻquv-tanishuv va ish oʻrganish amaliyotini yuqori saviyada tashkil etishga qaratilgan uchrashuv boʻlib oʻtdi
2025-06-25 14:40:00 / Yangiliklar
Tadbirda viloyat IIB rahbariyati, IIV Akademiyasi hamda IIV SHXBB Buxoro viloyati boʻyicha boshqarmasi masʼul xodimlari, murabbiylar hamda ota-onalar ishtirok etdilar.
Bunda, kursantlarning amaliyot davridagi faoliyatini samarali yoʻlga qoʻyish maqsadida murabbiylar tanishtirilib, ularning vazifalari tushuntirildi.
Xususan, xizmat jarayonida qonunchilikka rioya qilish, xizmat intizomi, shaxsiy xavfsizlikni taʼminlash, fuqarolar bilan muloqotda axloq va madaniyat qoidalariga amal qilish, xizmatdan tashqari boʻsh vaqtlarini samarali tashkil etish, salbiy holatlarning oldini olish yuzasidan chora-tadbirlar belgilandi.
Yigʻilish yakunida oʻquv davrida oʻzini namuna sifatida namoyon etgan, kursantlar hamda ularning ota-onalari tashakkurnomalar va minnatdorlik xatlari bilan taqdirlandi.
Buxoro viloyati IIB Axborot xizmati