Buxoro viloyati IIB boshligʻi Romitan tumanida aholi muammolari yechimiga doir navbatdagi sayyor qabul oʻtkazdi
2025-06-23 11:35:00 / Yangiliklar
Tumanning “Samosiy” mahallasida boʻlib oʻtgan qabulda 10 dan ortiq sud-huquq hamda ichki ishlar organlarining kundalik xizmat faoliyati, ijtimoiy masalalar bilan bogʻliq murojaatlari boshqarma boshligʻi hamda tegishli masʼullar ishtirokida birma-bir koʻrib chiqildi.
Qabul davomida asosiy eʼtibor murojaatlarning joyida hal etilishiga qaratilib, qoʻshimcha oʻrganish va qonuniy qaror qabul qilish uchun vaqt talab qilganlari ish yurituviga olinib, har biri boʻyicha manzilli chora-tadbirlar belgilandi va ijrosini taʼminlash yuzasidan masʼullarga zaruriy koʻrsatmalar berildi.
Bu kabi sayyor qabullar viloyat IIB boshligʻining oʻrinbosarlari, hududiy ichki ishlar organlari boshliqlari va ularning oʻrinbosarlari boshchiligida barcha shahar va tumanlarda oʻtkazilmoqda.
Buxoro viloyati IIB Axborot xizmati