Namangan viloyati IIBda Prezident Farmoni mazmun-mohiyatiga bagʻishlangan seminar mashgʻuloti oʻtkazildi
2025-06-22 14:10:00 / Yangiliklar
Namangan viloyati Ichki ishlar boshqarmasida Vazirlik Maʼnaviy-maʼrifiy ishlar va kadrlarni taʼminlash departamenti Jismoniy va jangovar tayyorgarlikni tashkil etish boshqarmasi hamda viloyat IIBning tarkibiy tuzilmalari va hududiy boʻlinmalari xodimlari ishtirokida Oʻzbekiston Respublikasi Prezidentining 2025-yil 14-fevraldagi “Oʻzbekiston Respublikasi Qurolli Kuchlarining harbiy nizomlarini tasdiqlash toʻgʻrisida”gi PF 23-son Farmoni hamda IIVning 2025-yil 30-maydagi 209-son Farmoyishi mazmun-mohiyatini oʻrganishga bagʻishlangan oʻquv-seminar tashkil etildi.
Seminarda Farmonda belgilangan yangi harbiy nizomlarning mazmuni, ularning huquqiy va amaliy ahamiyati, shuningdek, Ichki ishlar organlari faoliyatidagi oʻrni toʻgʻrisida batafsil tushunchalar berilib, xodimlarga harbiy intizom, xizmat faoliyatida qonuniylik va masʼuliyatni oshirishga qaratilgan talablarni amaliyotda qoʻllash boʻyicha tavsiyalar berib oʻtildi.
Tadbir doirasida Ichki ishlar organlarida xizmat intizomi va tashkiliy-huquqiy qoidalarning toʻgʻri va samarali qoʻllanilishi yuzasidan mulohazalar almashildi.
Namangan viloyati IIB Axborot xizmati