Ichki ishlar vazirligining masʼul xodimlari Singapurning “Polytron. AI” va “Vizzio Technologies” kompaniyalari vakillaridan iborat delegatsiya bilan uchrashdi
2025-06-21 09:00:00 / Yangiliklar
Uchrashuvda xalqaro xavfsizlik boʻyicha hamkorlikni mustahkamlash va intellektual videokuzatuv tizimlari samaradorligini oshirishdagi, uni tatbiq qilishdagi kompaniyaning ilgʻor tajribasi yuzasidan muhokamalar olib bordi.
Shuningdek, tomonlar bugungi kunda raqamli texnologiyalar va sunʼiy intellektning jadal tarzda rivojlanayotganligi, ular asosida ishlovchi intellektual videokuzatuv kameralaridan foydalanish va ularni nazorat qilish, bu orqali yuqori aniqlik va samaradorlikka erishilib, xavfsizlik choralarini kuchaytirish hamda tahdidlardan himoyalanish kabi mavzularda oʻzaro fikr almashdilar.
Taʼkidlash lozim, bunday bilim va texnologiyalar almashinuvi nafaqat xavfsizlikni yaxshilashga, balki mamlakatlar oʻrtasidagi ishonchni mustahkamlashga yordam beradi.
IIV “Xavfsiz shahar” tizimlarini rivojlantirish markazi