IIV Akademiyasi kursantlari uchun amaliyot oldi yigʻilish boʻlib oʻtdi
2025-06-21 09:00:00 / Yangiliklar
Ichki ishlar vazirligi huzuridagi Jazoni ijro etish departamenti rahbariyati huzurida Vazirlik Akademiyasi kunduzgi taʼlim 1-oʻquv kursi kursantlarining oʻquv-tanishuv hamda 2-oʻquv kursi kursantlarining ish oʻrganish amaliyot oldi yoʻriqnomaviy yigʻilishi boʻlib oʻtdi.
Tadbirda, kursantlar va ularning oʻqituvchi-murabbiylari ishtirok etdilar. Yigʻilishni Departament boshligʻi polkovnik R.Tursunov kirish soʻzi bilan ochib, kursantlarning olgan nazariy bilimlarini amaliyot davrida mustahkamlashi va ularning kasbiy koʻnikmalarini oshirib borishlari xususida toʻxtalib oʻtdi.
Shuningdek, kursantlarning tasdiqlangan kun tartibi, qonunchilik hamda xizmat intizomiga qatʼiy rioya qilishlarini taʼkidlab, masʼul va murabbiylarga bir qator vazifalar qoʻydi.
Yigʻilish yakunida, kursantlar malaka amaliyot bilan bogʻliq oʻzlarining qiziqtirgan savollariga atroflicha javob oldilar.
IIV Jazoni ijro etish departamenti Axborot xizmati