Koreya Respublikasida IIV xodimlari uchun tashkil etilgan trening mashgʻulotlari yakunlandi
2025-06-21 09:00:00 / Yangiliklar
2025-yil 9-20-iyun kunlari Koreya xalqaro hamkorlik tashkiloti (KOICA)ning “Oʻzbekiston Respublikasi Ichki ishlar vazirligi Malaka oshirish institutida Simulyatsiyalashgan oʻquv markazini tashkil etish boʻyicha salohiyatni oshirish” loyihasi doirasida IIV va Malaka oshirish instituti xodimlari amaliy tashrif bilan Koreya Respublikasida boʻldilar.
Tashrif dasturiga asosan delegatsiya aʼzolari tomonidan Koreyada jinoyatchilikni oldini olish, ularga qarshi kurashish, jamoat xavfsizligini taʼminlash tizimida politsiya xizmatining tajribasi, xodimlarni tayyorlash, qayta tayyorlash va malakasini oshirish tizimini oʻrganish hamda hamkorlik aloqalarini rivojlantirishga alohida eʼtibor qaratildi.
Tashrif davomida kelgusida malakali mutaxassislarni tayyorlash, qayta tayyorlash va malakasini oshirish taʼlim tizimini yoʻlga qoʻyishda oʻzaro hamkorlik masalalari boʻyicha fikr almashildi.
IIV Malaka oshirish instituti