O‘zbеkiston Rеspublikаsi Ichki ishlаr vаzirligi

Ichki ishlar vazirligi tizimida xodimlarni ijtimoiy qoʻllab-quvvatlash, ularning turmush sharoitini yanada yaxshilash borasida tizimli ishlar olib borilmoqda.

Shu jumladan, Ichki ishlar vazirligi rahbariyati tashabbusi bilan vazirlik tizimida xizmat qilayotgan xodimlar hamda ularning oila aʼzolari uchun arzonlashtirilgan yarmarka tashkil etildi.

Yarmarkada turli turdagi oziq-ovqat va roʻzgʻor mahsulotlari boʻyicha keng tanlov yaratildi. Jumladan:

• Goʻsht mahsulotlari;

• Sifatli sut va sut mahsulotlari;

• Qishloq xoʻjaligi mahsulotlari (kartoshka, piyoz, sabzavotlar, mevalar va boshqalar);

• Turli xil qandolat mahsulotlari;

• Har kunlik roʻzgʻor uchun zarur boʻlgan maishiy mahsulotlar va gigiyena vositalari.

Ushbu yarmarka orqali xodimlarga bozor narxlariga nisbatan ancha arzon va sifatli mahsulotlarni xarid qilish imkoniyati yaratildi. Bunday tadbirlar ijtimoiy barqarorlikni taʼminlash, xodimlar va ularning oilalari uchun moddiy qoʻllab-quvvatlash maqsadida muntazam ravishda tashkil etib boriladi.

Yarmarka davomida tashrif buyurganlar oʻzlariga kerakli mahsulotlarni qulay shartlarda xarid qilish bilan birga, yaxshi kayfiyat va samimiy muhitda vaqt oʻtkazishdi.