Namangan viloyati Ichki ishlar boshqarmasi rahbariyati tomonidan mahallalarda oʻrganish ishlari davom etmoqda
2025-06-20 14:30:00 / Yangiliklar
Mahallalarda xavfsiz muhitni shakllantirish, jinoyatchilikni jilovlash va huquqbuzarliklarning barvaqt oldini olish boʻyicha mahalla xodimlari, shuningdek, hududga biriktirilgan masʼullar tomonidan doimiy ravishda tizimli ishlar amalga oshirilib kelinmoqda. Biroq, koʻrilgan chora-tadbirlarga qaramay ayrim hududlarda ogʻir va oʻta ogʻir turdagi jinoyatlar sodir boʻlmoqda.
Bugun boshqarma boshligʻi rahbarligidagi ishchi guruh Davlatobod tumanining “Porloq” va “Yuksalish” mahallalarida boʻlib, oila-turmush doirasidagi ogʻir va oʻta ogʻir turdagi jinoyatlarning sodir etilish sabablari atroflicha oʻrganildi va ularning kelib chiqish sabablari chuqur tahlil qilindi.
Oʻtkazilgan tahlillar natijasiga koʻra, mahalla yettiligi va boshqa masʼul xodimlarning aholi orasida yetarlicha targʻibot-tashviqot hamda profilaktik tadbirlar tashkil etilmaganligi, chet elda boʻlgan fuqarolarning oilalari bilan yetarlicha ishlar olib borilmaganligi tanqid qilinib, bu kabi salbiy holatlarni oldini olish yuzasidan aniq topshiriqlar berildi.
Bu kabi oʻrganishlar viloyatning bar hududlarida davom etmoqda.
Namangan viloyati IIB Axborot xizmati