Andijon shahrida fuqarolar bilan ochiq muloqot: muammolarning yechimiga amaliy yondashuv
2025-06-20 12:25:00 / Yangiliklar
Avval xabar qilinganidek, Andijon viloyati IIB boshligʻi polkovnik Sanjar Djabarov tomonidan viloyatdagi ijtimoiy-iqtisodiy “ogʻir” toifadagi mahallalariga bevosita joyiga chiqqan holda, aholi vakillari uchun sayyor qabullar tashkil etilmoqda.
Navbatdagi qabul Andijon shahrining Buyuk ipak yoʻli mahallasi fuqarolari uchun oʻtkazildi.
Ochiq muloqot tarzida oʻtgan mazkur sayyor qabulda mahalla aholisining turli ijtimoiy va huquqiy masalalardagi murojaatlari tinglandi.
Qabul davomida har bir murojaat oʻrganilib, ularni hal etish yuzasidan mutasaddi xodimlarga aniq topshiriqlar berildi.
Ayrim masalalar joyida hal etilib, boshqalari boʻyicha huquqiy tushuntirishlar berildi va nazoratga olindi.
Bu kabi sayyor qabullar aholi muammolarini eshitish, davlat organlariga boʻlgan ishonchni mustahkamlashda muhim ahamiyat kasb etadi.
Andijon viloyati IIB Axborot xizmati