Andijon viloyati IIBda Prezident farmonini oʻrganishga bagʻishlangan seminar tashkil etildi
2025-06-19 10:25:00 / Yangiliklar
Andijon viloyati IIBda boshqarma sohaviy xizmatlari va tarkibiy boʻlimlari xodimlari bilan Oʻzbekiston Respublikasi Prezidentining 2025-yil 14-fevraldagi “Oʻzbekiston Respublikasi Qurolli kuchlarining harbiy nizomlarini tasdiqlash toʻgʻrisida”gi Farmonini oʻrganishga bagʻishlangan seminar tashkil etildi.
Oʻquv seminarida IIV masʼul xodimlari tomonidan Prezident Farmonida Oʻzbekiston Respublikasi Qurolli Kuchlarida harbiy xizmatni oʻtash masalalarini yanada takomillashtirish, harbiy xizmatchilarning harbiy xizmat majburiyatlarini bajarish vaqtidagi huquq va majburiyatlarini, Qurolli kuchlar tizimida xizmat oʻtash, ichki xizmat, garnizon va qorovullik xizmatlarini tashkil etish, yangidan qoʻshma qaror asosida qabul qilingan saf nizomi boʻyicha kiritilgan oʻzgartirish va qoʻshimchalar, ragʻbatlantirish va intizomiy taʼsirlarni qoʻllashni, ularning murojaatlarini koʻrib chiqish tartibi, xizmat intizomi va qonunchilik talablari, harbiy yigʻinlarni oʻtash, harbiy kiyim-kechakda yurish qoidalarini belgilash, shuningdek, harbiy xizmatchilarni harbiy lavozimlarga tayinlash, harbiy lavozimlardan ozod etish, harbiy xizmatdan Qurolli Kuchlar rezerviga (zaxirasiga) boʻshatish hamda isteʼfoga chiqarish borasida ishtirokchilarga maʼlumotlar berildi.
Shuningdek, ichki ishlar organlari xodimlarining kasbiy madaniyat va xizmat intizomi Kodeksining talablariga toʻliq amal qilish, korrupsiya holatlariga murosasiz boʻlish, yoʻl-transport hodisalarini oldini olish, fuqarolar bilan muomala madaniyati, xizmat joyini oʻzboshimchalik bilan tashlab ketmaslik, oʻzgalar avtomashinasini boshqarmaslik borasida tegishli yoʻriqnomaviy tavsiyalar aytib oʻtildi.
Andijon viloyati IIB Axborot xizmati