IIV ishchi guruhlari tomonidan Surxondaryo viloyati Angor tumani IIB shaxsiy tarkibining bilim salohiyati va kasb mahoratlarini oshirishga qaratilgan targʻibot hamda oʻquv yigʻinlari oʻtkazildi
2025-06-18 09:00:00 / Yangiliklar
Joriy yilning 17-iyun kuni Oʻzbekiston Respublikasi Ichki ishlar vaziri huzurida Surxondaryo viloyatida olib borilgan kompleks inspektorlik tekshiruvi yakuniga bagʻishlab oʻtkazilgan tahliliy yigʻilishda berilgan topshiriqlar ijrosini taʼminlash maqsadida, Angor tumani IIB shaxsiy tarkibi oʻrtasida Oʻzbekiston Respublikasi Prezidentining 2025-yil 14-fevral kunidagi “Oʻzbekiston Respublikasi Qurolli Kuchlarining harbiy nizomlarini tasdiqlash toʻgʻrisida”gi PF-23-son farmoni hamda Mudofaa vazirligi, Ichki ishlar vazirligi, Favqulodda vaziyatlar vazirligi, Milliy gvardiya va Davlat xavfsizlik xizmati va boshqa manfaatdor vazirlik xamda idoralar oʻrtasida 2025-yil 20-may kunidagi tegishli qoʻshma qarori bilan tasdiqlangan Oʻzbekiston Respublikasi Qurolli Kuchlarining Saf nizomi mazmun mohiyati va unda keltirilgan vazifalar tushuntirib oʻtildi.
Shuningdek, shaxsiy tarkibning jangovar va saf tayyorgarligi, oʻqotar qurollardan, maxsus vositalardan foydalanish koʻnikmalarini hamda jangovar tayyorgarligini yanada oshirish, maxsus vositalarni mohirona qoʻllash koʻnikmalarini yanada mustahkamlash maqsadida maxsus-taktik oʻquv mashgʻulotlari ham oʻtkazilmoqda.
Bu boradagi targʻibot va oʻquv yigʻinlari viloyat barcha tuman-shahar IIBlari davom ettirilmoqda.
Surxondaryo viloyati IIB Axborot xizmati