Samarqand viloyati IIBda “Maktab – ota-ona – mahalla” zanjirini mustahkamlash borasidagi ustuvor vazifalar muhokama qilindi
2024-02-21 09:00:00 / Yangiliklar
Samarqand viloyati IIB boshlig‘i birinchi o‘rinbosari polkovnik S.Abduxomidov huzurida yoshlar jinoyatchiligini oldini olish, maktablarga biriktirilgan IIB sohaviy xizmatlari rahbarlarini bu boradagi masʼuliyatlarini oshirish masalalariga bag‘ishlangan yig‘ilish o‘tkazildi.
Ayni kunlarda respublikamiz bo‘ylab “Maktab – ota-ona – mahalla” zanjirini mustahkamlash borasidagi ustuvor vazifalar yuzasidan masʼul boshqarmalar bilan hamkorlikda maktablarda ishlarni kuchaytirish, yoshlarni harbiy vatanparvarlik ruhida tarbiyalash, yurt tinchligi va osoyishtaligi uchun daxldorlik hissini shakllantirish, maʼnaviy-axloqiy jihatdan yetuk jonkuyar, halol, sadoqatli kadrlarni yetishtirishni maqsad qilgan tadbirlarni o‘tkazish lozimligi taʼkidlandi.
Shuningdek, o‘quvchilarning ota-onalari bilan uchrashuvlar tashkil qilib, targ‘ibot tadbirlarini o‘tkazish bo‘yicha topshiriqlar berildi.
Samarqand viloyati IIB Axborot xizmati