Yoshlar — kelajak bunyodkori. Tarbiya, taʼlim va ishonch
2025-06-16 07:45:00 / Yangiliklar
Yoshlar kelajak bunyodkoriga aylanishi uchun uchta asosiy ustun mavjud: tarbiya, taʼlim va ishonch. Yaʼni, oila va maktabdagi tarbiya mustahkam, taʼlim tizimi bozor iqtisodiga mos bilim berish imkoniyatiga ega boʻlishi, eng muhimi — jamiyat yoshlarga ishonishi kerak. Ishonch esa insonda masʼuliyat tuygʻusini shakllantiradi.
- Men kasbimni juda yaxshi koʻraman, — deydi leytenant Otajon Xudoyshukurov. — 2024-yilda IIV Akademiyasini tamomlab, Pastdargʻom tumani IIB JXX HPB tashkiliy tahlil guruhi inspektori lavozimida xizmat faoliyatimni boshladim. Sohaga oid bilimlarimni boyitish, kasbiy koʻnikmalarimni oshirishda ustozim — tuman IIB JXX HPB tashkiliy tahlil guruhi katta inspektori, mayor Anvar Normurodovning maslahat, yoʻl-yoʻriq va tavsiyalariga amal qilyapman. Tizimda oʻtkazilayotgan turli tanlovlar, sport musobaqalari, intellektual bellashuvlarda faol ishtirok etyapman.
Darhaqiqat, fidoyi yoshlar yoʻli — Vatanning erkinligi va taraqqiyoti uchun kurashish. Tizimning qizgʻin jarayonlariga qoʻshilgan har bir yosh xodim ulkan maqsadlariga tinimsiz saʼy-harakatlar bilan intilib, yangicha gʻoyalar va qadriyatlarni taqdim etishga intiladi.
Ilm — oʻtda yonmas, suvda choʻkmas bebaho xazina. Yoshlar esa bu xazina orqali dunyoqarashi, ong-u tafakkurini dur-u javohirlarga boyitib bormoqda. Leytenant Otajon Xudoyshukurov ham shunday xodimlardan biri ekanligiga ishonchimiz komil.
Umida MAMADALIYEVA, oʻz muxbirimiz.
Samarqand viloyati.