Transport va turizm obyektlarida xavfsizlikni taʼminlash departamenti hamda uning quyi tizimlarida xizmat olib borayotgan bir guruh xodimlar taqdirlandi
2025-06-14 17:45:00 / Yangiliklar
Mazkur tadbirda dastlab Oʻzbekiston Respublikasi Davlat madhiyasini ijro etilishi bilan boshlandi, Shundan soʻng Transport va turizm obyektlarida xavfsizlikni taʼminlash departamentida vazir oʻrinbosari tomonidan oʻtgan oylar davomida xalqimiz tinchligi, yoʻlovchi va sayyohlarning xavfsizligini taʼminlash boʻyicha koʻplab yutuqlarga erishilganligi, transport va turizm obyektlarida xususan, temir yoʻl, aeroport va metropolitenda yoʻlovchi va fuqarolar oʻrtasida huquqbuzarliklar, jinoyat hamda baxtsiz hodisalarning oldini olish, yurtimizga chet el davlatlaridan tashrif buyurgan xorijiy turistlar xavfsizligini taʼminlash “Haj“ hamda “Gʻamxoʻrlik“ tadbirlarda yuzasidan amalga oshirilayotgan ishlar toʻgʻrisida soʻz yuritildi. Shuningdek, mazkur yoʻnalishlarda bir qator manzilli chora-tadbirlarni jadallashtirish, xususan xodimlar oʻrtasida xizmat va ijro intizomi, qonunchilik talablariga qatʼiy rioya qilish, shaxsiy tarkib oʻrtasida sogʻlom muhitni shakllantirish, tarbiyaviy ishlarni jadallashtirish va qator vazifalar yuzasidan aniq koʻrsatmalar berildi.
Mazkur tadbir soʻngida, vazir oʻrinbosari tomonidan xizmat vazifasiga sidqidildan yondashib, jinoyatchilikka qarshi kurashish va huquq-tartibotni taʼminlash borasida hamkasblari orasida oʻrnak boʻlib kelayotgan hamda Oʻzbekiston Respublikasi Ichki ishlar vazirining 2025-yil 9-iyundagi 313-son buyrugʻiga asosan Sport turlari boʻyicha respublika va xalqaro musobaqalarda sovrinli oʻrinlarni kiritgan ichki ishlar organlari xodimlarining bir guruh taqdirlanib navbatdagi maxsus unvonlar topshirildi.
Transport va turizm obyektlarida xavfsizlikni taʼminlash departamenti Axborot guruhi