Namangan viloyati mahallalarida sodir etilgan jinoyatlarning kelib chiqish sabablari joyida oʻrganilmoqda
2025-06-14 10:55:00 / Yangiliklar
Hozirda Ichki ishlar organlari, shu bilan birga, boshqa huquqni muhofaza qiluvchi organlar tomonidan sodir etilgan jinoyatlarning oqibatlari bilan kurashish emas, balki uni barvaqt oldini olish ustuvor vazifa sifatida belgilab olingan.
Jumladan, bugun Namangan viloyati IIB boshligʻi rahbarligidagi ishchi guruh Namangan shahrining “Baynalmilal” va Yangi Namangan tumanining “Oromgoh” mahallalarida boʻlib, mazkur mahallalarda sodir etilgan oila-turmush doirasidagi ogʻir hamda oʻta ogʻir turdagi jinoyatlarning kelib chiqish sabablari oʻrganildi va sodir etilishiga imkon bergan shart-sharoitlar chuqur tahlil qilindi.
Shuningdek, oʻrganishlar davomida mahalla xodimlari va hududga biriktirilgan masʼullar tomonidan aholi orasida yetarlicha ish tashkil etmaganligi, nizoli oilalar, spirtli ichimlik isteʼmol qilishga moyil shaxslar hamda ishsiz ayollar bilan profilaktik ishlar olib borilmaganligi tanqid qilinib, kelgusida bu boradagi ishlarni jadallashtirish yuzasidan aniq topshiriqlar berildi.
Bundan tashqari, hududlarda xavfsiz muhitni shakllantirishda hozirda mahallalarga oʻrnatilayotgan tashvish tugmalari orqali Qoʻriqlash xizmatining jangovar shayligi faollar ishtirokida sinovdan oʻtkazildi.
Namangan viloyati IIB Axborot xizmati