O‘zbеkiston Rеspublikаsi Ichki ishlаr vаzirligi

Oʻzbekiston Respublikasi Ichki ishlar vazirligi Malaka oshirish instituti “Axborot texnologiyalari” sikli tomonidan 2025-yil 26-iyun kuni “Axborot texnologiyalaridan foydalangan holda sodir etiladigan huquqbuzarliklarga qarshi kurashishning dolzarb muammolari va yechimlari” mavzusidagi respublika ilmiy-amaliy konferensiyasi oʻtkaziladi.

Konferensiyada oliy taʼlim muassasalarining professor-oʻqituvchilar, tayanch doktorantura izlanuvchilari, mustaqil tadqiqotchilar, magistrantlar, talabalar va soha mutaxassislari ishtirok etishlari mumkin.

Konferensiya materiallarini rasmiylashtirishga qoʻyiladigan talablar:

Maqola, tezis materiallari oʻzbek, rus, ingliz tillarida taqdim etilishi mumkin;

Tezis matnlari 2-5 bet hajmda (2 betdan kam boʻlmasligi lozim), A-4 bichimli qogʻozda, 14 kegel kattaligida, 1,5 intervalda, yuqori va pastdan – 2,0 sm, oʻngdan 2 sm, chapdan – 2 sm joy qoldirilib, Times New Roman shriftida rasmiylashtirilishi lozim;

maqolaning oxirida alohida ilmiy-nazariy ahamiyatga molik taklif va tavsiya berilishi lozim;

tezislar elektron variantda RTF formatida taqdim etiladi;

maqola mavzusi bosh harflarda qalin shriftda yoziladi, keyingi qatorda ogʻma shriftda varaqning oʻrtasida muallif (lar)ning ilmiy darajasi va unvoni, ism va familiyasi yoziladi.

Yuqoridagi talablarga javob bermaydigan, oʻz vaqtida topshirilmagan, kamchiliklari mavjud boʻlgan, ekspertizadan oʻtmagan maqolalar toʻplamga kiritilmaydi va mualliflarga qaytarilmaydi.

Barcha talablarga javob bergan maʼruza materiallari toʻplam shaklida chop etiladi. Tashkiliy qoʻmita maqola matnini qisman tuzatish huquqiga ega.

Tashkiliy badal mavjud emas.

Materiallar (maqola, tezislar) 2025-yil 24-iyunga qadar moi@iiv.uz elektron manzil yoki @iivmoiats2025 Telegram manzili boʻyicha qabul qilinadi.

Maʼruzalarni qabul qilish boʻyicha masʼul shaxs: Boynazarov Otabek tel.: (33) 793-68-07.

IIV Malaka oshirish instituti