Bojxona institutining Qayta tayyorlash va malaka oshirish fakultetida ilk bor IIV Jazoni ijro etish muassasalari xodimlari uchun qisqa muddatli oʻquv kurslari muvaffaqiyatli yakunlandi
2024-02-20 09:55:00 / Yangiliklar
Bugun kurs tinglovchilariga sertifikatlar topshirish marosimi boʻlib oʻtdi.
Ahamiyatli tomoni, kurs Oʻzbekiston Respublikasi Ichki ishlar vazirligi Jazoni ijro etish departamentining soʻroviga asosan bevosita ularning faoliyatini joylarga chiqib oʻrgangan holda tashkil etildi.
Kurs davomida tinglovchilarga oʻtkazish punktlarida oʻz yonlarida taqiqlangan ashyolarni olib oʻtishga harakat qilayotgan shaxslarni aniqlash boʻyicha profayling, rentgen tahlili va giyohvandlik vositalari hamda psixotrop moddalarni aniqlash yoʻnalishida taʼlim berildi.
Tadbirda kelgusida bu yoʻnalishdagi hamkorlikni tizimli tashkil qilish uchun Bojxona qoʻmitasi va Ichki ishlar vazirligi oʻrtasida memorandum imzolash taklifi ilgari surildi.
IIV huzuridagi Jazoni ijro etish departamenti Axborot xizmati