Andijon viloyati IIB rahbariyatining Asaka tumanida sayyor qabuli boʻlib oʻtdi
2025-06-12 11:00:00 / Yangiliklar
Joylarda aholi bilan ochiq muloqot oʻtkazish, ularning muammolarini oʻrganish va hal etish maqsadida tashkil etilayotgan sayyor qabullar tizimida Andijon viloyati ichki ishlar boshqarmasi rahbariyati ham faol ishtirok etmoqda.
Xususan, joriy yilning 11-iyun kuni Andijon viloyati IIB boshligʻi polkovnik Sanjar Djabarov rahbarligida Asaka tumanida sayyor qabul oʻtkazildi.
Unda tuman aholisi bilan ochiq muloqot qilinib, fuqarolarning ijtimoiy, huquqiy hamda shaxsiy muammolari tinglandi.
Sayyor qabul jarayonida ichki ishlar organlari rahbariyati tomonidan fuqarolar tomonidan bildirilgan murojaat va takliflar batafsil oʻrganilib, aksariyat masalalar shu yerning oʻzida hal etildi. Qolgan muammolar boʻyicha tegishli masʼul tashkilotlar va mutasaddilarga aniq topshiriqlar berildi hamda nazoratga olindi.
Fuqarolar bilan bevosita muloqotda ularning huquqiy ongi va huquqiy madaniyatini oshirish, huquqbuzarliklarning oldini olish boʻyicha tushuntirish ishlari ham olib borildi.
Bu kabi sayyor qabullardan koʻzlangan asosiy maqsad xalq bilan yaqindan muloqot qilish hamda fuqarolar roziligini taʼminlashdir.
Andijon viloyati IIB Axborot xizmati