Andijon viloyati ichki ishlar boshqarmasi boshligʻi tomonidan fuqarolarning ijtimoiy muammolari oʻrganildi
2025-06-12 10:00:00 / Yangiliklar
Joylarda aholi muammolarini oʻrganish va ularga amaliy yordam koʻrsatish maqsadida olib borilayotgan ishlar doirasida, Andijon viloyati ichki ishlar boshqarmasi boshligʻi polkovnik Sanjar Djabarov tomonidan Ulugʻnor tumanidagi Yangiobod mahallasida yashayotgan fuqarolar bilan uchrashuv tashkil etildi.
Uchrashuv davomida mahalla aholisining kundalik turmushi, ijtimoiy himoya, ish bilan bandlik, yoʻl infratuzilmasi, ichimlik suvi, elektr taʼminoti kabi bir qator muhim masalalar yuzasidan murojaatlari eshitildi.
Aholidan kelib tushgan murojaatlar joyida oʻrganilib, baʼzilarini hal etish boʻyicha tegishli choralar koʻrildi. Qolgan masalalar esa nazoratga olinib, tez fursatda ijobiy hal etilishi belgilandi.
Shu bilan birga, tuzilgan ishchi guruh tomonidan Yangiobod mahallasida oilaviy shifokorlik punkti faoliyatini qayta tiklash hamda Sardoba va Xaybarqum koʻchalarida ichimlik suvi bilan bogʻliq aniqlangan ijtimoiy muammolar yaqindan oʻrganilib, ular boʻyicha takliflar kiritildi.
Andijon viloyati IIB Axborot xizmati