Huquqbuzarliklarni oldini olish va zamonaviy qoʻriqlash vositalarini targʻib etishga qaratilgan profilaktik tadbir oʻtkazildi
2025-06-09 19:15:00 / Yangiliklar
Yashnobod tumani Ichki ishlar organlari faoliyatini muvofiqlashtirish boshqarmasi hamda tuman Qoʻriqlash boʻlimi tomonidan Joʻrabek mahallasida navbatdagi profilaktik tadbir tashkil etildi.
Tadbir davomida mahalla fuqarolari va tadbirkorlar bilan uchrashuvlar tashkil etilib, ularning xonadonlari hamda tijorat obyektlarini zamonaviy texnik qoʻriqlash vositalari orqali himoyalashning afzalliklari haqida atroflicha tushuntirishlar berildi.
Soha mutaxassislari tomonidan texnik qoʻriqlash tizimlarini oʻrnatish tartibi, ularning samaradorligi va xavfsizlikni taʼminlashdagi oʻrni haqida batafsil tavsiyalar taqdim etildi.
Mazkur profilaktik tadbirlar kelgusida ham izchil davom ettirilishi belgilangan boʻlib, bu esa mahallalarda tinchlik, osoyishtalik va jamoat xavfsizligini taʼminlashda muhim ahamiyat kasb etadi.
Toshkent shahar IIBB Axborot xizmati