Huquqbuzarliklar profilaktikasi boʻlinmasi boshliqlarining navbatdagi malaka oshirish oʻquv kursi yakunlandi
2024-02-16 09:35:00 / Yangiliklar
Ichki ishlar vazirligi Malaka oshirish institutida tuman (shahar) ichki ishlar organlari huquqbuzarliklar profilaktikasi boʻlinmasi boshliqlarining navbatdagi malaka oshirish oʻquv kursi yakunlandi.
Oʻquv mashgʻulotlari Institut professor-oʻqituvchilari hamda vazirlik sohaviy xizmatlari bilan hamkorlikda zamon talablari asosida ishlab chiqilgan oʻquv dasturlari asosida aloqa va axborot texnologiyalaridan keng foydalangan holda interfaol usullarda olib borildi.
Oʻquv kursi yakunida oʻtkazilgan sinov va imtihonlarni muvaffaqiyatli tamomlagan tinglovchilarga belgilangan namunadagi sertifikatlar tantanali ravishda topshirildi. Shuningdek, kelgusida xizmat jarayonida foydalanishlari uchun oʻquv-uslubiy materiallar tarqatildi.
IIV Malaka oshirish instituti Matbuot xizmati