Xorazm viloyatida hududiy ichki ishlar organlari rahbarlari uchun qisqa muddatli oʻquv mashgʻuloti boshlandi
2025-06-08 09:00:00 / Yangiliklar
Oʻzbekiston Respublikasi Prezidentining 2025-yil 3-yanvardagi “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish boʻyicha chora-tadbirlar toʻgʻrisida”gi PQ-1-son qarori asosida Oʻzbekiston Respublikasi IIV Akademiyasi professor-oʻqituvchilari va Xorazm viloyati IIB tegishli sohaviy xizmatlari rahbarlari tomonidan viloyatdagi barcha shahar-tuman IIB boshliqlari uchun qisqa muddatli sayyor oʻquv mashgʻulotlari boshlandi.
Uch kun davom etishi koʻzda tutilgan va onlayn tarzda masofadan tashkil etilgan oʻquv mashgʻulotining dastlabki kunida “Obod va xavfsiz mahalla” tamoyili asosida jinoyatlarning barvaqt oldini olish va ijtimoiy profilaktika tizimi, mahallalarda yoshlar, ayollar, ishsiz shaxslar tomonidan hamda oila-turmush doirasidagi jinoyatlarning barvaqt oldini olishda ijtimoiy profilaktika tizimi mexanizmlarini toʻgʻri yoʻlga qoʻyish, ichki ishlar organlarida raqamlashtirish hamda “Xavfsiz raqamli mahalla” konsepsiyasi doirasida amalga oshirilishi lozim boʻlgan vazifalar, jinoyatchilikni jilovlash boʻyicha hududlarda amalga oshirilayotgan ishlar yuzasidan Parlament nazorati hamda hududiy kengashlarda hisobot berishning eʼtiborli jihatlari kabi dolzarb masalalar yuzasidan nazariy bilimlar va amaliy tajribalarni oʻzaro uygʻunlashtirgan holda batafsil maʼlumot berildi.
Mashgʻulotda ishtirokchilarning mavzuga oid fikr-mulohazalari ham eshitildi.
Xorazm viloyati IIB Axborot xizmati