Xavfsizlik mahalladan boshlanadi
2025-06-07 18:50:00 / Yangiliklar
Mamlakatimiz Prezidentining 2025-yil 3-yanvardagi “2025-yilda respublika mahallalarida xavfsiz muhit yaratish va huquqbuzarliklarning oldini olish tizimi samaradorligini yanada oshirish chora-tadbirlari toʻgʻrisida“gi qarori asosida joylarda keng koʻlamli ishlar olib borilmoqda.
Poytaxtning Chilonzor va Yashnobod tumanlaridagi maktablar, bolalar bogʻchalari va boshqa ijtimoiy soha muassasalarida “favqulodda chaqiruv tugmalari“ oʻrnatildi, xususiy uy-joylar va tadbirkorlik subyektlari esa Qoʻriqlash bosh boshqarmasi tizimiga ulanmoqda. Bu choralar favqulodda vaziyatlarda tezkor harakat qilish samaradorligini oshirishga xizmat qiladi.
Maqsadli targʻibot va tashviqot ishlari olib borilmoqda. Bu jarayonga profilaktika inspektorlari, mahalla faollari hamda Yoshlar ishlari agentligi vakillari jalb etilgan. Ular aholi bilan uchrashuvlar uyushtirib, huquqbuzarliklarning oldini olish boʻyicha chora-tadbirlarning ahamiyatini tushuntirishmoqda.