IIV “Xavfsiz shahar” tizimlarini rivojlantirish markazi hamda Muhammad al-Xorazmiy nomidagi Toshkent axborot texnologiyalari universiteti oʻrtasida hamkorlik memorandumi imzolandi
2025-06-05 09:35:00 / Yangiliklar
Unda “Xavfsiz shahar” tizimlarini rivojlantirish sohasida kadrlar tayyorlashda hamkorlik qilish, xorijiy ekspertlar bilan uzviy munosabatlarni yoʻlga qoʻyish, Universitet professor-oʻqituvchilari tomonidan muayyan yoʻnalishlarda malaka oshirish kurslarini tashkil qilish, Xalqaro miqyosdagi ekspertlar ishtirokida maʼruzalar tashkil etish kabi qator masalalar muhokama qilindi.
Shuningdek, “Xavfsiz shahar” markazi direktori U. Kulanov va TATU rektori B. Maxkamov birgalikda universitetda amalga oshirilayotgan ishlar, talabalar uchun yaratilgan shart-sharoitlar, ularning bilim olishlari va tajriba almashishlari uchun zamonaviy tarzda jihozlangan oʻquv xonalari bilan tanishishdi.
Uchrashuv soʻngida tarmoq va tizim administratorligi va axborot xavfsizligi masalalarida kadrlarni yetkazib berish va Ichki ishlar organlarini raqamlashtirishdagi “raqamli jamoani” shakllantirish, hamkorlikda sohaga oid qoʻllanma, mobil ilovalar ishlab chiqish, tadqiqot va loyihalar ustida izlanishlar olib borishga kelishildi.