IIV Malaka oshirish institutida “Sud ekspertizasi va jinoyatlarni tergov qilishda sunʼiy intellektni qoʻllash” mavzusida oʻtkazilayotgan xalqaro oʻquv kursi oʻz yakuniga yetdi
2025-06-05 09:15:00 / Yangiliklar
Koreya Respublikasi Milliy sud ekspertizasi xizmatining yetakchi olimlari tomonidan olib borilgan mashgʻulotlarda ichki ishlar organlarining Ekspert-kriminalistika xizmati xodimlari, Malaka oshirish instituti va Akademiya professor-oʻqituvchilari ishtirok etdilar.
Uch kun davom etgan tadbirda mutaxassislar tomonidan sud ekspertlik faoliyatining zamonaviy imkoniyatlari va kriminalistik koʻzdan kechirishning yechimlari, sunʼiy intellekt va tasvir boʻyicha ekspertizaning usullari ilgʻor tajribalar asosida tushuntirildi.
Xalqaro oʻquv kursining yopilish marosimida IIV Malaka oshirish instituti boshligʻi, polkovnik O.T. Axmedov va Koreya Respublikasi KOFO konsalting va taʼlim tashkiloti direktori, IIV Malaka oshirish instituti faxriy professori Jong-Seok Seo ishtirokchilarni muborakbod etib, sertifikat va esdalik sovgʻalarini topshirdilar.
IIV Malaka oshirish instituti Axborot xizmati