Namangan viloyati IIBda huquqni muhofaza qiluvchi organlar rahbarlari ishtirokida yigʻilish boʻlib oʻtdi
2025-06-05 09:10:00 / Yangiliklar
Namangan viloyati IIBda huquqni muhofaza qiluvchi organlar rahbarlari tomonidan videoselektor tarzida oʻtkazilgan yigʻilishda viloyat IIB, DXX, Milliy gvardiya, Favqulodda vaziyatlar va Soliq boshqarmalari xodimlari hamda boshqa mutasaddi tashkilotlar vakillari ishtirok etib, unda “Qurbon hayiti” bayramini oʻtkazishda xavfsizlik chora-tadbirlarini ishlab chiqish, uni yuqori saviyada oʻtkazish, yoʻl harakati xavfsizligini taʼminlash, fuqarolarning murojaatlari bilan ishlash masalalari hamda kommunal sohada amalga oshirilgan ishlar atroflicha muhokama qilindi.
Shuningdek, muborak Qurbon hayitini nishonlash davrida barcha shahar-tumanlardagi masjidlarda, shu bilan birga, ziyoratgohlarda xavfsizlik chora-tadbirlarini koʻrish, fuqarolar uchun yetarlicha shart-sharoit yaratish, transport vositalarining tirbandligini oldini olish maqsadida vaqtinchalik avtoturargohlar tashkil etish va yongʻinga qarshi texnika vositalarini yana bir bor koʻrikdan oʻtkazish boʻyicha masʼullarning zimmasiga aniq vazifalar yuklatildi.
Namangan viloyati IIB Axborot xizmati