Qashqadaryo viloyatining Yakkabogʻ tumanida fuqarolar muammolarini oʻrganish maqsadida sayyor qabul oʻtkazildi
2025-05-31 09:00:00 / Yangiliklar
Fuqarolarni muammolarini tinglash va masalalarni oʻrganish hamda hal qilish maqsadida Yakkabogʻ tumanida Ichki ishlar vazirligi Jamoat xavfsizligi departamenti masʼul xodimlarining sayyor qabuli boʻlib oʻtdi.
Sayyor qabulda fuqarolarning ichki ishlar organlarining profilaktika inspektorlari tomonidan olib borilayotgan surishtiruv harakatlaridan norozilik bilan bogʻliq hamda ijtimoiy masalalarga oid 16 ta murojaatlari qabul qilindi.
Murojaatlarning 6 tasi joyida hal etildi. 8 ta fuqarolarga muammosi boʻyicha boshqa organga murojaat etishlari yuzasidan tegishli huquqiy tushunchalar berildi.
Qolgan 2 ta murojaatlar oʻrganish uchun vaqt talab etishi tushuntirilib, tegishli mutasaddi idoralarga yuborildi va ijrosi nazoratga olindi.
Koʻlami keng sayyor qabul yakunida fuqarolardan tushgan murojaatlar jamlanib, tahlil etildi va sektorlar rahbarlariga roʻyxatga olingan muammolarni bartaraf etish majburiyati yuklandi.
Qashqadaryo viloyati IIB Axborot xizmati