Xalq deputatlari Navoiy viloyati Kengashida viloyat IIB rahbariyatining hisoboti tinglandi
2025-05-31 09:00:00 / Yangiliklar
Xalq deputatlari Navoiy viloyati Kengashining yettinchi chaqiriq oʻn uchinchi sessiyasida viloyat IIB boshligʻining hisoboti tinglandi.
Xalq deputatlari Navoiy viloyati Kengashining yettinchi chaqiriq oʻn uchinchi sessiyasida viloyat IIB boshligʻi, polkovnik Azat Tasbayev ham ishtirok etib, viloyat hududida qonunchilikni taʼminlash, huquq-tartibotni mustahkamlash, huquqbuzarliklar profilaktikasi va jinoyatchilikka qarshi kurashish hamda 2025-yilning birinchi choragi davomida amalga oshirilgan ishlar va kelgusidagi vazifalar, shuningdek viloyat IIB va uning quyi tuzilmalarida korrupsiyaga qarshi kurashish, uni oldini olish borasida amalga oshirilgan ishlar toʻgʻrisida maʼruza qildi.
Mahallalarda xavfsiz muhitni yaratish, yoʻl-transport hodisalarining sabab va oqibatlarini oʻrganish hamda kiberjinoyatlarga qarshi kurashish boʻyicha amalga oshirilgan ishlar hisoboti oʻqib eshittirildi.
Bundan tashqari jinoyatchilikni jilovlash borasida mahala yettiligi tomonidan yoʻl qoʻyilgan xato va kamchiliklar muhokama etilib, ularni bartaraf etish yuzasidan topshiriq va tavsiyalar berildi.
Navoiy viloyati IIB Axborot xizmati