Fargʻona viloyati IIB rahbariyati viloyatdagi taʼlim muassasalarida tashkil qilinayotgan yozgi oromgohlar holatini oʻrgandi
2025-05-31 09:00:00 / Yangiliklar
Maʼlumki yoz mavsumida oʻgʻil-qizlarni mazmunli tashkillash, ular ishtirokida sodir boʻlishi mumkin boʻlgan huquqbuzarlik va jinoyatlarni oldini oladi.
Ayni maqsadda har yili taʼlim muassasalari negizida yozgi sogʻlomlashtirish oromgohlari tashkillanadi.
Fargʻona viloyati IIB boshligʻi general-mayor Azizbek Ikramov Fargʻona shahridagi 10-son umumtaʼlim maktabida tashkil qilinayotgan oromgoh faoliyatini oʻrganish maqsadida muassasada boʻldi.
Maktabning mavsumga tayyorgarligini koʻzdan kechirdi.
Masʼullar bilan uchrashuv oʻtkazib, oʻquvchilarni oromgohga jalb qilish, ularga munosib sharoit yaratish, kun tartibini samarali ishlab chiqish, jinoyat va huquqbuzarlik sodir qilishga moyil boʻlgan, ichki roʻyxatda turadigan yoshlar bilan ishlash boʻyicha oʻz takliflarini bildirdi.
Oldinda turgan ustuvor vazifalar, hamkorlikda amalga oshirilishi kerak boʻlgan belgilab olindi.
Fargʻona viloyati IIB Axborot xizmati