1 Iyun — "Xalqaro bolalarni himoya qilish kuni" munosabati bilan Qoraqalpogʻiston Respublikasi IIV rahbariyati tomonidan bolalar uchun bayram tadbirlari tashkil etildi va sovgʻalar ulashildi
2025-05-31 09:00:00 / Yangiliklar
Xalqaro bolalarni himoya qilish kuni — dunyo bolalari uchun eng pokiza va quvonchli bayram hisoblanadi.
Bolalar — hayot mazmunining ajralmas qismi, ularning kulgisi insonlar qalbida umid va baxt hissini uygʻotadi.
Bolalarning koʻzlaridagi muhabbat va mehr ularni osmonda erkin parvoz qilayotgan qaldirgʻochlarga oʻxshatadi.
Ushbu bayram munosabati bilan amalga oshirilgan tadbirlar bolalarning quvonchiga quvonch qoʻshib, ularning qalbida ezgu xotiralar qoldiradi.
1-iyun — “Xalqaro bolalarni himoya qilish kuni” munosabati bilan Qoraqalpogʻiston Respublikasi Ichki ishlar vazirligi rahbariyati tomonidan bir qator ezgu tadbirlar amalga oshirildi.
Jumladan, vazirlikka qarashli “Yulduzcha” bolalar bogʻchasi tarbiyalanuvchilari bayram bilan tabriklanib, ularga sovgʻalar ulashildi.
Shundan soʻng bogʻcha bolalari tomonidan tayyorlangan konsert dasturi yigʻilganlarga namoyish etildi.
Shuningdek, IIV rahbariyati Respublika ixtisoslashtirilgan ruhiy salomatlik ilmiy-amaliy tibbiyot markazining Qoraqalpogʻiston Respublikasi filialida davolanayotgan bolalarni bayram bilan tabriklab, ularga sovgʻalar topshirildi hamda tezroq sogʻayib ketishiga tilak bildirildi.
Qoraqalpogʻiston Respublikasi IIV Axborot xizmati