Qashqadaryo viloyati hokimi boshchiligidagi viloyat huquqni muhofaza qiluvchi organlar va boshqa mutasaddi tashkilotlar rahbarlari Jazoni ijro etish muassasasida oʻrganishlar olib bordi
2025-05-31 09:00:00 / Yangiliklar
Viloyat hokimi boshchiligidagi viloyat huquqni muhofaza qiluvchi organlar va boshqa mutasaddi tashkilotlar rahbarlari IIV Jazoni ijro etish departamenti 4-Mintaqaviy muvofiqlashtirish markazi 3-Jazoni ijro etish muassasasida boʻlishdi.
Viloyat hokimi Murodjon Azimov hamda huquqni muhofaza qiluvchi organlar rahbarlari jazoni ijro etish muassasasiga tashrif buyurib, jazo muddatini oʻtayotgan mahkumlar bilan uchrashib suhbatlashdi.
Tashrif doirasida muassasadagi sharoitlar, mahkumlarning huquqlari, ularning qayta ijtimoiy moslashuviga qaratilgan ishlar hamda mehnat bilan bandligi oʻrganildi.
Ular tomonidan ishlab chiqarilayotgan mahsulotlar va yasalgan jihozlar koʻzdan kechirilib, bu boradagi ishlarni kengaytirish va jadallashtirish borasida masʼullarga tavsiya va takliflar berildi.
Yakunda mahkumlar bilan ochiq muloqot oʻtkazilib, ularni qiynayotgan masalalar tinglandi.
Qashqadaryo viloyati IIB Axborot xizmati