Jizzaxda taʼlim sifatini oshirish yoʻlida: IIV homiyligidagi 12-sonli maktabda amaliy ishlar olib borilmoqda
2025-05-30 14:50:00 / Yangiliklar
Oʻzbekiston Respublikasi Prezidentining 2025-yil 18-martdagi PQ–110-son Qarori hamda Ichki ishlar vazirining 2025-yil 31-martdagi 126-son farmoyishi ijrosi boʻyicha IIV tomonidan Sh.Rashidov tumanidagi 12-sonli umumiy oʻrta taʼlim maktabi Jizzax viloyati IIB masʼullariga biriktirilgan.
Shu bois viloyat IIB homiyligida oʻquv muassasasida taʼlim sharoiti va sifatini oshirishga qaratilgan qator ishlar amalga oshirilmoqda. IIV ishchi guruhi hamda viloyat IIB mutasaddilari muassasada boʻlib, ushbu ishlarning borishini koʻzdan kechirishdi. Jarayonda masʼullar bilan muloqot qilinib, rejalangan ishlarning borishi muhokama qilindi va zarur koʻrsatmalar berildi.