Ichki ishlar vazirligi Malaka oshirish instituti tinglovchilarining navbatdagi qasamyod qilish hamda bitiruv tadbiri boʻlib oʻtdi
2025-05-27 09:00:00 / Yangiliklar
Ichki ishlar vazirligi Oʻquv-dala markazida Malaka oshirish institutning navbatdagi boshlangʻich kasbiy tayyorgarlik oʻquv kursi tinglovchilarning qasamyod qilish va bitiruv tantanali tadbiri boʻlib oʻtdi.
Tadbirda soʻzga chiqqan Institut boshligʻi, professor Olimjon Axmedov, keyingi yillarda mamlakatimizda barcha sohalardagi yangilanish va oʻzgarishlarga hamohang tarzda ichki ishlar organlari tizimlarida ham bir qator islohotlar amalga oshirilayotganligini taʼkidlab, bundan koʻzlangan maqsad sohani jamoat tartibi va xavfsizligini taʼminlash, har qanday tahdid va xatarlarga qarshi kurasha oladigan, fuqarolarning qonuniy huquq va manfaatlarini himoya qilishga qodir yetuk malakali kadrlar bilan taʼminlash ekanligini aytib oʻtdi.
Tantanali tadbirda oʻquv dasturlar talablarini toʻliq oʻzlashtirgan yakuniy sinov-imtihonlarni muvaffaqiyatli topshirgan tinglovchilarga sertifikatlar topshirildi.
Shuningdek, oʻquv kursi davomida oʻzining kasbiy bilimlarini oshirish, amaliy koʻnikmalarini takomillashtirish, dunyoqarashini yanada kengaytirishga intilib, yuqori koʻrsatkichlarga erishgan hamda namunali xulqi uchun bir guruh tinglovchilar faxriy yorliq va tashakkurnoma bilan taqdirlandi.
IIV Malaka oshirish instituti