Respublika ishchi guruhi tomonidan Buxoro shahrida ommaviy sayyor qabul oʻtkazildi
2025-05-27 09:00:00 / Yangiliklar
Rasmiy sahifalarimizda xabar berganimizdek, Davlatimiz rahbarining aholi murojaatlari bilan ishlash tizimi samaradorligini oshirish boʻyicha topshirigʻi ijrosini taʼminlash maqsadida,
Respublika ishchi guruhi tomonidan Buxoro viloyatida vazirlik va tashkilot rahbarlarining ijtimoiy-iqtisodiy jihatdan ogʻir boʻlgan chegara va chekka olis hududlarida aholi bilan muloqotini tashkil etish, ishsizlik va kambagʻallik darajasini qisqartirish hamda mahallalarni obodonlashtirish, infratuzilmasini yaxshilash maqsadida 26-30-may kunlari viloyatning shahar va tumanlarida ommaviy sayyor qabullar oʻtkazilishi belgilangan.
26-may kuni Buxoro sharhidagi “Kasbiy koʻnikmalar markazi“da tashkil etilgan sayyor qabulda Ichki ishlar vazirligi hamda viloyat Ichki ishlar boshqarmasi rahbariyati tomonidan Buxoro va Kogon shaharlari, Kogon va Qorovulbozor tumanlari aholisining sud-huquq va ichki ishlar organlari xizmat faoliyati bilan bilan bogʻliq 15 ga murojaatlari birma-bir koʻrib chiqildi.
Qabul davomida asosiy eʼtibor murojaatlarning joyida hal etilishiga qaratilib, qoʻshimcha oʻrganish va qonuniy qaror qabul qilish uchun vaqt talab qilinganlari yurituvga olinib, har biri boʻyicha manzilli chora-tadbirlar belgilandi va ijrosini taʼminlash yuzasidan masʼullarga zaruriy koʻrsatmalar berildi.
Albatta, bu kabi sayyor qabullarni oʻtkazishdan koʻzlangan asosiy maqsad xalq bilan faol va ochiq muloqot olib borish, avvalo inson huquq hamda manfaatlarini taʼminlash orqali xalqimizning farovon, baxtli hayot kechirishi uchun munosib shart-sharoitlar yaratishdan iboratdir.
Buxoro viloyati IIB Axborot xizmati