Bakuda MDHga aʼzo davlatlarining migratsiya organlarining yigʻilishi boʻlib oʻtdi
2025-05-26 17:35:00 / Yangiliklar
Joriy yilning 22-may kuni Oʻzbekiston Respublikasi Ichki ishlar vazirligi huzuridagi Migratsiya va personallashtirish departamenti vakillari Ozarbayjon Respublikasining Baku shahrida boʻlib oʻtgan Mustaqil Davlatlar Hamdoʻstligiga aʼzo davlatlarining migratsiya organlari rahbarlari kengashining yigirma toʻqqizinchi yigʻilishida ishtirok etdi.
Tadbir davomida, migratsiya sohasidagi amaldagi holat, migratsiya sohasidagi milliy qonunchiligidagi oʻzgarishlar, migratsiya organlarining huquqni qoʻllash amaliyoti haqidagi maʼlumotlar bilan tanishildi va kelgusida noqonuniy migratsiyaga qarshi kurashish doirasida amalga oshirilishi lozim boʻlgan ishlar yuzasidan takliflar koʻrib chiqildi.
Ichki ishlar vazirligi huzuridagi Migratsiya va personallashtirish departamenti