Fargʻona viloyati IIB rahbariyati “Soʻngi qoʻngʻiroq” tadbirida ishtirok etdi
2025-05-24 18:00:00 / Yangiliklar
Margʻilon shahridagi 7-sonli umumiy oʻrta taʼlim maktabida “Soʻngi qoʻngʻiroq” tadbiri bayramona tarzda oʻtdi.
Tadbirda viloyat IIB boshligʻi, general-mayor Azizbek Ikramov ishtirok etib, bitiruvchilarga samimiy tilaklarini bildirdi. Yoshlarni Vatanga muhabbat, bilimga chanqoq qilib tarbiyalashning muhimligini alohida taʼkidladi.
Tadbirda, oʻqituvchilar, ota-onalar, keng jamoatchilik vakillari ishtirok etdi. Oʻquv jarayonida faol boʻlgan oʻquvchilar va ustozlarga tashakkurnoma hamda esdalik sovgʻalari topshirildi.
“Soʻngi qoʻngʻiroq” – bu nafaqat maktab bilan xayrlashuv, balki katta hayotga qadam tashlash arafasidagi masʼuliyatli palla.
Fargʻona viloyati IIB yoshlarning huquqiy ongi va vatanparvarlik ruhida tarbiyasiga alohida eʼtibor qaratishda davom etadi.
Fargʻona viloyati IIB Axborot xizmati