Samarqand viloyati IIB rahbariyatining navbatdagi sayyor qabuli oʻtkazildi
2025-05-24 09:00:00 / Yangiliklar
Jomboy tumanidagi “SOF EXPO Samarkand” xalqaro koʻrgazmalar majmuasida viloyat aholisi uchun sayyor qabul oʻtkazildi.
Unda viloyat hokimi vazifasini bajaruvchi Adiz Boboyev hamda viloyat huquqni muhofaza qiluvchi organlar va boshqa mutasaddi tashkilotlari rahbarlari tomonidan fuqarolarning turli yoʻnalishdagi murojaatlari tinglandi.
Viloyat IIB boshligʻi Rahmat Mamatov tomonidan ichki ishlar organlari bilan bogʻliq bir qator muammo va masalalar, xususan oldi-berdi masalasi, yoʻl infratuzilmasini yaxshilash, kiberjinoyatlardan jabrlanganlik kabi aholini qiynab kelayotgan muammolari tinglandi.
Ayrim murojaatlar yuzasidan huquqiy tushuntirishlar berilib, fuqarolarni qiynab kelayotgan muammoli masalalar yechimini topishga koʻmaklashildi.
Har bir murojaat belgilangan tartibda roʻyxatga olinib, ijroga qaratildi.
Samarqand viloyati IIB Axborot xizmati