Qoraqalpogʻiston Respublikasi ichki ishlar organlari xodimlari “Fuqarolar bilan ishlash moduli” boʻyicha oʻqitilmoqda
2025-05-24 09:00:00 / Yangiliklar
Ichki ishlar vazirligi Malaka oshirish instituti professor-oʻqituvchilari tomonidan Qoraqalpogʻiston Respublikasi Ichki ishlar vazirligida huquqbuzarliklar profilaktikasi, yoʻl-patrul va patrul-post xizmati boʻlinmalari xodimlarining “Fuqarolar bilan ishlash moduli” boʻyicha sayyor oʻquv mashgʻulotlari olib borilmoqda.
Oʻquv mashgʻulotlari innovatsion pedagogik texnologiya, interfaol metod va zamonaviy axborot-kommunikatsiya texnologiyalarini qoʻllagan holda oʻtkazilmoqda.
Nostandart vaziyatlar, muammoli holatlar yuzasidan Institut professor-oʻqituvchilari tomonidan tayyorlangan videolavhalar orqali mavzularga doir huquqiy yechimlar tushuntirilib borilmoqda.
Shuningdek, amaliy oʻquv jarayonlarida tinglovchilarga huquqbuzarlikni sodir etgan shaxs bilan xodim oʻrtasidagi situatsion muammoli vaziyatlar boʻyicha amaliy va nazariy bilimlar berilmoqda.
Jumladan, sahnalashtirilgan situatsion muammoli vaziyatlarda tinglovchilarning oʻzlari ishtirok etib, holatlardagi kamchiliklar muhokama qilinib, huquqiy baho berilyapti.
Mashgʻulotlar davomida modul tinglovchilari oʻzlarini qiziqtirgan savollariga mutaxassislardan tegishli javob va maslahatlar olmoqdalar.
Qoraqalpogʻiston Respublikasi IIV Axborot xizmati