O‘zbеkiston Rеspublikаsi Ichki ishlаr vаzirligi

Qashqadaryo viloyati Ichki ishlar boshqarmasida joriy yilning birinchi oyida jinoyatlarni erta aniqlab oldini olish, sodir etilganlarini fosh etish, fuqarolar va jamoat xavfsizligini taʼminlash borasida amalga oshirilgan ishlar, yoʻl qoʻyilgan xato va kamchiliklar hamda kelgusidagi ustuvor vazifalar muhokamasiga bagʻishlangan tanqidiy va tahliliy yigʻilish boʻlib oʻtdi.

Unda boshqarma tarkibiy boʻlimlar va sohaviy xizmatlar rahbarlari, shahar-tuman ichki ishlar boʻlimlari boshliqlari va ularning oʻrinbosarlari, tezkor xizmat vakillari videoselektor tarzida ishtirok etdi.

Keng koʻlamli yigʻilishda viloyat ichki ishlar boshqarmasi rahbari polkovnik Aduvoxid Ismoilov joriy yilning birinchi oyda viloyatda fuqarolar tomonidan yuborilgan murojaatlar, jamoat tartibini saqlash, fuqarolar xavfsizligini taʼminlash, jinoyatchilik va huquqbuzarliklarning barvaqt oldini olish, sodir etilgan jinoyatlarni “issiq izlar”da fosh etish, fuqarolar xavfsizligini taʼminlash borasida ichki ishlar idoralari xodimlari tomonidan amalga oshirilgan ishlarni tahlil qildi.

Vohada qonun ustuvorligini taʼminlash, huquqbuzarliklar va jinoyatlarni erta aniqlab oldini olish, roʻy berganlarini fosh etish borasida amalga oshirilgan ishlar, faoliyatda yoʻl qoʻyilgan kamchiliklar muhokama qilinib, tegishli sohaviy xizmatlar rahbarlari oldiga aniq vazifalar qoʻyildi.

Ichki ishlar organlari xodimlari huquq-tartibotni mustahkamlash, jamoat tartibini saqlash, osuda turmushga zamin hozirlashda keng jamoatchilik, ayniqsa, mahalliy hokimliklar, qishloq, mahalla faollari, korxona va tashkilotlar rahbarlari bilan hamkorlikni yanada kuchaytirish lozimligi taʼkidlab oʻtildi.

Ushbu jarayonda ogohlikni yanada kengroq targʻib etib, yoshlarni turli illatlar domiga tushib qolishining oldini olish bosh vazifa boʻlmogʻi lozim.

Bu borada kelgusida amalga oshirilishi lozim boʻlgan masalalar boʻyicha sohaviy xizmatlar rahbarlari vazifador etilib, masʼuliyati oshirildi.

Bundan tashqari, shahar-tumanlarda sektor ishchi guruhlari tomonidan “mahallabay”, “xonadonbay” va “fuqarobay” ishlash, hududlarda kommunal sohadagi kamchiliklarni muntazam nazorat qilib, uchraydigan muammolarni tezda bartaraf etish, asosiy eʼtiborni fuqarolarning murojaatlarida keltirilgan muammolarga qaratish, aholining eʼtiroziga sabab boʻluvchi holatlarni barvaqt aniqlash va ushbu muammolarni sektor rahbarlari, hamkor tashkilotlar bilan birgalikda hal etish bugungi kunning dolzarb masalasi ekanligi ishtirokchilar eʼtiboriga yetkazilib, kun tartibidagi masalalar ijroga qaratildi.

Qashqadaryo viloyati IIB Axborot xizmati