Andijon viloyati Buloqboshi tumanida maktab bitiruvchi yoshlari hamda ularning ota-onalari bilan profilaktik ogohlantiruv tadbirlari davom etmoqda
2025-05-23 13:55:00 / Yangiliklar
Andijon viloyati IIB Axborot xizmati xodimlari tomonidan Buloqboshi tumanidagi 3-umumiy oʻrta taʼlim maktabida 9,11-sinf bitiruvchilari hamda ularning ota-onalari bilan uchrashuv muloqot tashkil etildi.
Uchrashuvda oʻquvchilar bilan bogʻliq sodir etilishi mumkin boʻlgan har qanday koʻngilsiz hodisalar, ayniqsa, ularning tegishli hujjatlarsiz avtomashina boshqarishiga yoʻl qoʻymaslik boʻyicha targʻibot va tushuntirish ishlari amalga oshirildi.
Shuningdek, tadbir davomida ayrim ota-onalarning farzand tarbiyasiga eʼtiborsizligi oqibatida voyaga yetmagan va yoshlar tomonidan sodir etilgan ayanchli jinoyatlar hamda ularning achchiq qismatlari aks etgan taʼsirchan videorolik namoyish etilib, barcha ogohlikka chaqirildi.
Bu kabi targʻibot ishlari joylarda davom ettirilmoqda.
Andijon viloyati IIB Axborot xizmati