“Soʻnggi qoʻngʻiroq” tadbirlarini xavfsiz oʻtkazish boʻyicha Andijonda keng qamrovli chora-tadbirlar belgilandi
2025-05-23 13:35:00 / Yangiliklar
Andijon viloyati IIB saf maydonida viloyatda mavjud 760 ta umumtaʼlim hamda 23 ta xususiy maktablarga biriktirilgan tajribali rahbar va masʼul xodimlar ishtirokida boshqarma boshligʻi polkovnik Sanjar Djabarov tomonidan onlayn yoʻriqnoma oʻtkazildi.
Shuningdek, shahar-tuman IIB boshliqlari, ularning oʻrinbosarlari, sohaviy xizmatlari rahbarlari va shahar-tuman IIBlardan maktablarga biriktirilgan masʼul xodimlar yoʻriqnomada toʻgʻridan toʻgʻri onlayn tarzda ishtirok etdilar.
Yoʻriqnomada rahbar va masʼul xodimlarga 21,22,23-may kunlari oʻzi biriktirilgan maktabda bitiruvchi 9,11-sinf oʻquvchilari hamda ularning ota-onalari bilan uchrashib, ular bilan bogʻliq sodir etilishi mumkin boʻlgan har qanday koʻngilsiz hodisalar, huquqbuzarlik va jinoyatlarni oldini olish, “Soʻnggi qoʻngʻiroq” tadbirlari davomida salbiy holatlar sodir etilmasligi boʻyicha taʼsirchan targʻibot ishlarini olib borish yuzasidan topshiriqlar berildi.
Ushbu topshiriqlardan kelib chiqib, barcha biriktirilgan rahbar va masʼul xodimlar xizmat olib borishga kirishdilar.
Andijon viloyati IIB Axborot xizmati