Qoraqalpogʻiston Respublikasi Nukus shahrida “Tun” profilaktik tadbiri doirasida maxsus yigʻilish oʻtkazildi
2025-05-23 13:15:00 / Yangiliklar
Oʻzbekiston Respublikasi Prezidentining 2025-yildagi “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish chora-tadbirlari toʻgʻrisida"gi PQ-1-sonli qarori ijrosini taʼminlash maqsadida Qoraqalpogʻiston Respublikasi Prokurori va Ichki ishlar vaziri rahbarligida Nukus shahrida Ichki ishlar organlari, Milliy gvardiya xodimlarining xizmat oldi maxsus yigʻini oʻtkazildi.
Nukus shahri hududida jinoyatchilik va huquqbuzarliklarning erta oldini olish mahallalarda yuz berishi mumkin boʻlgan koʻngilsiz hodisalarning oldini olish hamda “Tun" profilaktik tadbiri davomida olib boriladigan ishlar samaradorligini oshirish maqsadida Nukus shahrida Qoraqalpogʻiston Respublikasi prokurori va Ichki ishlar vaziri rahbarligida huquqni muhofaza qilish organlari xodimlarining maxsus yigʻilishi oʻtkazildi.
Unda xodimlarga fuqarolarning tungi vaqtlarda spirtli ichimliklar ichib, jamoat joylarida shovqin chiqarayotgan shaxslar bilan doimiy ravishda profilaktik ishlarni olib borish kerakligi tushuntirildi. “Tun" profilaktik tadbiri respublikamiz boʻylab davom etadi.
Qoraqalpogʻiston Respublikasi IIV Axborot xizmati