Buxoro viloyatining Qorovulbozor tumanida jinoyatchilikning oldini olish va xavfsiz muhitni yaratish boʻyicha amalga oshirilayotgan ishlar oʻrganildi
2025-05-23 12:30:00 / Yangiliklar
Buxoro viloyati Qorovulbozor tumanida Prezident qarori asosida jinoyatchilikning oldini olish va xavfsiz muhitni yaratish maqsadida keng koʻlamli ishlar olib borilmoqda.
Oʻzbekiston Respublikasi Prezidentining 2025-yil 3-yanvardagi PQ-1-sonli Qarori ijrosini taʼminlash uchun huquq-tartibot organlari, mahalliy hokimiyat va jamoatchilik hamkorligida “Raqamlashgan, obod va xavfsiz mahalla” konsepsiyasi doirasida ishlar amalga oshirilmoqda.
Qorovulbozor tumanidagi oʻrganishlar chogʻida jinoyatchilikni kamaytirish, profilaktika ishlarini samarali tashkil etish va aholi bilan muloqotni kuchaytirish masalalari koʻrib chiqildi. Xususan, dronlardan foydalanish, “Besh tashabbus” markazi imkoniyatlari va mahalla faollari bilan muloqot orqali muammolarni aniqlash va hal qilish ishlari amalga oshirildi.
Shuningdek, “Qoradori-2025” va “Nazorat” tadbirlari natijalari tahlil qilinib, xizmat intizomi, hisobotlar va kelgusi vazifalar muhokama qilindi. Natijada, samarali ishlagan xodimlar ragʻbatlantirildi, salbiy koʻrsatkich qayd etganlarga esa intizomiy choralar koʻrildi.
Bunday tadbirlar viloyatda xavfsiz va barqaror muhitni taʼminlashga xizmat qiladi.
Buxoro viloyati IIB Axborot xizmati